14052014

Gistermorgen vertrok ik voor het DvhN binnen was. Gisteravond las ik deze pas, en onderstaand stuk van Fre Schreiber wilde ik de andere kant van de bar niet onthouden. Voor wie het Gronings niet machtig is, morgen weer een opening in het Nederlands, maar dit vind ik te mooi om niet te delen!

Mit zicht op heur parrredieske en n ‘sosioaltje’ ien kolde thee stippend, miemert Jantina Olthof-de Vries aan Westènd ien Zuudbrouk over vrouger tied. Over koustaallapper Lode Kliphuus: ‘As t vij ien t laand was en staal leeg, kwam koustaallapper laans om te kieken wat ter gebeuren mos, zodat boerderij der netjes oetzag. t Was n soort van timmerman dij zien vaaste klanten haar!’ Over òfgroaven Nero doar zai ien swemmen leerde: ‘Mit n echt strand en swemhokjes, ontstoan dou spoorweg tussen Zuudbrouk en Sapmeer-Oost verdubbeld is.’ Onder t kraaien van hoan stukt opoe mie t verhoal oet van doames Scholten dij ainmoal ien t joar mit traain oet Stad n bezuik aan Poultjeboerderij brochten. Nait allinneg doames, haile femilie was mitkommen. Haren der gain idee van ‘hou ‘prötterg’ of t der op t laand heerging. Waren der totoal nait op kled: vraaulwu ien t wit, manlu ien t pak. Van rieke femilie Scholten. Ze gedrougen heur as gewone vraauwlu, mozzen boudel n beetje konterleren, ook kiender der bie. Vraauw Bakker was hail daag dounde om gasten te bedainen mit boerenkost. ‘Ze hebben mie nait zain, mor ais dee ain van heren knobe lös en mit broek op hakken sprong e mit n laange stok over sloot, mit blode kont, goddegod!’ Mor ja, vrouger is veurbie. As je 102 joar binnen, binnen der belangrieker dingen as vrouger. Bieveurbeeld dat jongste klaainzeun der nog nait west het om zien Poolze poedie kennes moaken te loaten mit opoe heur parredies vol ontong.